43 

Gehoorsiftingsresultate  van 'η Groep Kleurlingleerlinge 

Santie Meyer, M(Log) (Pretoria) 
Marina Hurter, B(Log) (Pretoria) 

Felicity van Rensburg, BA(Log) (Pretoria) 
Departement  Spraakheelkunde  en  Oudiologie, 

Universiteit  van  Pretoria. 

OPSOMMING 
Gehoorsifting  wat  bestaan  het  uit  suiwertoon-  en  immitansiesiftingsprosedures  is  uitgevoer  op 201  Graad  I-leerlinge  in  twee  laerskole  in 
die  Kleurlingwoonbuurt,  Eersterust.  15,7%  van  die  ore  wat  getoets  is,  het  nie  voldoen  aan  die  kriteria  vir  gehoor  binne  normale  perke 
nie.  Daar  is  gevind  dat  2Ψο  sensories  neurale  gehoorverliese  en  13,6Ψο  middeloortoestande  vertoon.  Die  kinders  uit  die  lae  sosio-
ekonomiese  omgewing  vertoon  'n  geringe  verhoogde  voorkoms  van  middeloorprobleme  volgens  die  immitansiesiftingstoetse.  As gevolg 
van  die  stremmende  effek  van  selfs  'n  geringe  of  fluktuerende  gehoorverlies  op opvoedkundige  vordering,  word  gereelde  oudiologiese 
dienste  vir  die  skole  aanbeveel. 

ABSTRACT 
Auditory  screening  consisting  of  pure  tone  and  immittance  screening  tests  was  carried  out  on  201  Grade  I  pupils  from  two  primary 
schools  in  the  Coloured  residential  area  of  Eersterust.  15,7%  of  the  ears  tested  did  not  comply  with  the  criteria  of  hearing  within  the  nor-
mal  ranges.  It  was  found  that  2<Vo  exhibited  sensory  neural  hearing  losses  while  13,6Ψο  displayed  middle  ear  pathologies.  Immittance 
screening  showed  a slightly  higher  incidence  of  middle  ear  pathology  in  the  lower  socio-economic  group  than  in  the  higher  socio-
economic  group.  In  view  of  the  negative  effect  that  even  a slight  or  fluctuating  hearing  loss  can  have  on  school  achievement  it  is  recom-
mended  that  audiological  services  be  rendered  regularly  to  these  schools. 

"The ultimate goal in every country must be to act against 
all major causes of  avoidable deafness.  The first  require-
ment ... is to identify  ... communities that have an unaccep-
table amount of  deafness."  (Wilson, 1985, p. 3.) 

In Suid-Afrika  is daar nog maar net 'n begin gemaak om bo-
genoemde doelstelling te bereik, naamlik om hoerisiko-
gemeenskappe te identifiseer.  So is byvoorbeeld 'n besonder 
hoe voorkoms van oor- en gehoorprobleme (22,5%) reeds by 
'n groep Kleurlinglaerskoolkinders ouer as 10 jaar gei'dentifi-
seer (Pretorius, 1984). Die resultate is verklaar na aanleiding 
van die algemene lae sosio-ekonomiese status (Pretorius, 
1984) by die groep kinders en al die faktore  wat hiermee ver-
band hou, byvoorbeeld maatskaplike probleme, ontoereik-
ende mediese dienste, oorbevolking in huisvesting, onvol-
doende verhitting tydens wintermaande (Klein, 1978; Van 
der Walt, 1983) en afwesigheid  van gereelde gehoorsif-
tingsprogramme by die skole (Pretorius, 1984). 

Bogenoemde ouderdomsgroep (ouer as 10 jaar) toon ge-
woonlik 'n laer voorkoms van oor- en gehoorprobleme as 
jonger kinders (Klein, 1978). Dit is egter juis by die jonger 
kinders waar die teenwoordigheid van selfsi  'n geringe of 
fluktuerende  gehoorverlies 'n nadelige effek  op die kind se 
spraak- en taalontwikkeling kan he (Teele, Klein en Rosner, 
1981; Bess, 1985). 

Die nadelige effek  van selfs  'n geringe sensories neurale 
gehoorverlies tydens die taalaanleerperiode sowel as die ef-
fek  op skolastiese prestasie is al deeglik beskryf  (Northern 
en Downs, 1984; Bess, 1985). Terselfdertyd  kry die nega-
tiewe effek  van middeloorpatologie toenemend meer aan-

Die Suid-Afrikaanse  Tydskrif  vir Kommunikasieafwykings,  Vol. 34, 1987 

dag in die literatuur (Bess, 1985). Middeloorpatologie ver-
oorsaak nie net verlaagde sensitiwiteit en dus verminder-
de stimulasie nie, maar in sommige gevalle ook foutiewe 
klankwaarneming. Dit volg dus logies dat daar by die 
kinders onvoldoende taal- en persepsieontwikkeling plaas-
vind (Van der Walt, 1983). Dit veroorsaak uiteraard swak 
taalgebruik, 'n arm taalkennis en in sommige gevalle onbe-
vredigende sosialisering (Teele et al. 1981). 

Veral in lae sosio-ekonomiese omstandighede word die pro-
bleme geaksentueer waar middeloorpatologie in wissel-
werking tree met faktore  soos wanvoeding, sosiokulturele 
ongelykheid, lae motivering en swak algemene gesondheid 
(Lewis, 1976). 

In 'n samelewing wat toenemend meer staat maak op kom-
munikasie en prestasie is dit raadsaam om alle omstandig-
hede nodig vir linguistiese, intellektuele en sosiale ontwik-
keling optimaal te hou. Alle kinders behoort geregtig te wees 
op vermoens wat nie beperk is deur ouditiewe deprivasie 
nie (Ruben, 1985). 

Deur die vroee identifikasie  van kinders met gehoorverliese 
kan tydige hulpverlening die opvoedkundige en kognitiewe 
gevolge van gehoorverlies voorkom of  verminder. Op die-
selfde  wyse kan die ekonomiese gevolge van 'n gehoorver-
lies beperk word. Indien die probleme ongei'dentifiseer  bly, 
moet die kind soms in spesiale onderwys geplaas word. Dit 
het groot finansiele  implikasies vir die staat. Net so sou 'n 
verlies aan mannekrag-inkomste as gevolg van onvoldoende 
beroepsopleiding van die gehoorgestremde finansiele  im-
plikasies vir die staat inhou (Northern en Downs, 1984). 

© S A S 1987 

R
ep

ro
du

ce
d 

by
 S

ab
in

et
 G

at
ew

ay
 u

nd
er

 li
ce

nc
e 

gr
an

te
d 

by
 th

e 
P

ub
lis

he
r 

(d
at

ed
 2

01
2)



44 Santie Meyer, Marina Hurter en Felicity van Rensburg 

In hierdie studie is gepoog om die voorkoms van oor- en ge-
hoorprobleme by Graad I-leerlinge wat uit 'n lae sosio-eko-
nomiese omgewing kom, sowel as 'n groep wat uit 'n hoer 
sosio-ekonomiese omgewing kom, te bepaal. In beide 
gevalle is daar nie gereelde oudiologiese dienste vir die skole 
beskikbaar nie. Dit is dus nie bekend of  die populasie 'n 
hoerisikogroep vir gehoorverlies is nie. 

EKSPERIMENT: 

PROEFPERSONE: 

Vir die doel van hierdie studie is twee laerskole in die Kleur-
lingwoonbuurt, Eersterust, geselekteer. In beide skole is al 
die Graad I-leerlinge getoets. 

Die een groep van 78 kinders was in 'n laerskool in 'n beter 
sosio-ekonomiese area. Die tweede groep van 123 kinders 
was in 'n laerskool in 'n lae sosio-ekonomiese omgewing 
waar 'n groot aantal ouers werkloos was. Die sosio-ekono-
miese groepe is dus op grond van geografiese  ligging verdeel 
waar een gebied hoofsaaklik  sub-ekonomiese behuising 
gehad het en die ander 'n relatief  meer gegoede area was 
waar baksteenhuise meer voorgekom het. 

APPARAAT: 

'n Oorondersoek is deur middel van 'n otoskoop uitgevoer. 
'n Madsen Model TBN60 oudiometer sowel as 'n Maico 
Model MA-17 oudiometer is gebruik vir die suiwertoonsif-
tingstoetse. Die oudiometer is voor die aanvang van die 
studie volgens ISO 1964 standaarde geyk en daagliks psigo-
akoesties nagegaan. Die impedansoudiometriese siftings-
prosedures is deur middel van 'n American Electro-medics 
timpanometer 85 AR uitgevoer. 

TOETSOMGEWING: 

Klankdigte fasiliteite  was nie by die skole beskikbaar vir 
suiwertoonsiftingsoudiometrie  nie. Vertrekke weg van die 
klaskameraktiwiteite is vir die doel geselekteer. Klankpeil-
metings is deur middel van 'n Briiel en Kjaer klankpeilmeter 
2203 en oktaaffilter  16B by oktaaffrekwensies  gemaak, en 
dit het binne die toelaatbare norme vir suiwertoonsifting 
geval (ANSI S3.6-1969 soos aangehaal deur Bess en McCon-
nell, 1981). 

TOETSAFNEMERS: 

Die oorondersoek en oudiometriese siftingsprosedures  is 
deur 3 oudioloe van die Departement Spraakheelkunde en 
Oudiologie, Universiteit van Pretoria, uitgevoer. 'n 
Standaardtoetsprosedure is vooraf  bepaal ten einde verskille 
in tegnieke te voorkom (Northern en Downs, 1984). 

PROSEDURE: 

1. •Dataversameling: 

Die volgende prosedures, soos voorgestel deur ASHA, 
naamlik Guidelines  for  Identification  Audiometry  (1975 in Ross 
en Giolas, 1978) en Middle  Ear  Screening  Criteria  (1978 in Bess 
en McConnell, 1981) is ten opsigte van elke kind gevolg. 

— 'n otoskopie is uitgevoer met die doel om oormatige oor-
was en otoree te identifiseer  met die oog op suksesvolle 
uitvoering van siftingsimpedansoudiometrie. 

— die siftingsimmitansiemetings  het daarna gevolg en het 
'n akoestiese refleks  by 100 Hz en timpanometrie inge-
sluit. 

— hierna is die kind onderwerp aan die suiwertoonsiftings-
toets. Suiwertone is by 1000, 2000 en 4000 Hz aangebied. 

Volgens Northern en Downs (1984) is hierdie prosedure vol-
doende om middeloorpatologie en sensories neurale verliese 
in kinders te identifiseer. 

2. Dataverwerking: 

Vir die verwerking van die rou data is die toetsgegewens 
wat by elke kind verkry is, afsonderlik  in tabelvorm uiteen-
gesit. In die tabel is daar teenoor elke oor van elke kind 
aangedui of  die toets geslaagd was of  gefaal  het. Die volgen-
de kriteria vir slaag en faal  is vir die suiwertoon- en immi-
tansiesiftingstoetse  onderskeidelik toegepas. 

— Suiwertoonsiftingstoetse: 
Ten einde die toetse te slaag, moes die kind respondeer by 
20 dB GP by 100 en 2000 Hz en by 25 dB by 400 Hz in albei 
ore (ASHA, 1975 in Ross en Giolas, 1978). Indien daar nie 'n 
respons by enige van bogenoemde intensiteite ontlok kon 
word nie, het die kind nie die toets geslaag nie, en is 'n 
drempel vir die frekwensie  bepaal en aangeteken. 

— Immitansiesiftingstoetse: 
Slaag/faal-kriteria  soos voorgestel deur ASHA (1978 in Bess 
& McConnell, 1981), is gebruik. Om die toets te slaag, moes 
'n ipsilaterale akoestiese refleks  teenwoordig wees by 
1000 Hz teen 105 dB KDP, asook 'n timpanogram met 'n nor-
male middeloordruk (jL 50 mm H2O) of  met 'n geringe 
positiewe (+ 50 tot + 100 mm H2O) of  negatiewe (-50 tot -200 
mm H2O) middeloordruk. 

Wanneer die middeloordruk afwykend  is en die akoestiese 
reflekse  teenwoordig of  die middeloordruk normaal of  ger-
ing positief  of  negatief  of  abnormaal is en die akoestiese 
reflekse  afwesig  is, slaag die persoon nie die toets nie (ASHA 
1978 in Bess en McConnell, 1981). j 

— Statistiese berekeninge: ' j 
'n Steekproefproporsie  is vir 'n populasieproporsie gebruik; 

waar S = \J px̂ ~pI (binomiale distribusie) om te bepaal of  daar' 
betekenisvolle verskille tussen groepe voorkom. 1 

RESULTATE: 

In tabel 1 word 'n aanduiding gegee van die aantal kinders 
en ore wat albei siftingstoetse  geslaag het. 

Uit tabel 1 blyk dit dat van die 201 kinders wat getoets is 
76,6% op beide toetse slaag en 7,7% slegs in een oor aan al 
die vereistes voldoen. 84,3% van die ore van die kinders het 
dus tydens toetsing gehoordrempels binne normale perke en 
normale middeloorfunksionering  getoon, terwyl 15,7% een 
of  albei van die toetse gefaal  het. 

The  South  African  Journal  of  Communication  Disorders,  Vol.  34, 1987 

R
ep

ro
du

ce
d 

by
 S

ab
in

et
 G

at
ew

ay
 u

nd
er

 li
ce

nc
e 

gr
an

te
d 

by
 th

e 
P

ub
lis

he
r 

(d
at

ed
 2

01
2)



Gehoorsiftingsresultate  van 'η groep Kleurlingleerlinge 45 

Tabel 1: Aantal kinders (en ore) wat albei siftingstoetse  slaag 

HOER SOSIO-EKONOMIESE 
OMGEWING 

LAE SOSIO-EKONOMIESE 
OMGEWING 

TOTAAL 

Kinders Ore %Ore Kinders Ore %Ore Kinders Ore %Ore 

Ν = 78 N= 156 N= 123 Ν = 246 Ν = 201 Ν = 402 

Aantal kinders 
waarvan beide 
ore toetsing 
slaag 

62 124 79,5% 92 184 74,8% 154 308 76,6% 

Slegs een oor 
slaag toetsing 

12 12 7,7% 19 19 7,7% 31 31 7,7% 

TOTAAL 136 87,1% 203 82,5% 339 84,3% 

Alhoewel daar by die skool in die hoer sosio-ekonomiese 
omgewing 'n effens  hoer slaagsyfer  is as by die een in die lae 
sosio-ekonomiese omgewing, is die verskil gering (87,1% en 
82,5% respektiewelik). 

Hierdie betreklik hoe slaagsyfer,  selfs  by die kinders in die 
lae sosio-ekonomiese omgewing, is onverwags, aangesien 
studies op kinders van lae sosio-ekonomiese populasies 
(Fay, 1972) en in lae-inkomstegroepe (Northern en Downs, 
1984) dikwels 'n faalsyfer  hoer as 15,7% toon. 

Ten einde nou die aard van die oor- en gehoorprobleme wat 
by die kinders van die studie voorgekom het, uit te lig, word 
die afwykende  resultate van die gehoorsiftingsprogram  aan 
die hand van afsonderlike  tabelle bespreek. 

Uit tabel 2 blyk dit dat slegs 2,2% van die ore wat getoets is 
die suiwertoonsiftingstoets  faal,  maar die immitansiesif-
tingstoets slaag. Verder het 7 ore 'n geringe, een oor 'n 
gemiddelde en een oor 'n totale gehoorverlies vertoon. 

Tabel 2: Aantal ore wat die suiwertoonsiftingstoets 
/ faal,  maar die immitansiesiftingstoets  slaag 

GRAAD VAN LAE SOSIO; HOER SOSIO-
SUIWERTOON- EKONOMIESE EKONOMIESE TOTAAL 

GEHOOR- OMGEWING OMGEWING (N = 402) 
VERLIES (N = 246) (N= 156) 

Geringe gehoor- C ' 9 7 
verlies (26-40 dB) 5 1 Δ 
Gemiddelde 
gehoorverlies 1 0 1 
(42-55 dB) 
Totale gehoor-

0 1 1 verlies (96 dB +) 0 
1 1 

Totale aantal ore 
% 

1,9% 2,2% 
Totale aantal ore 
% 2,4% 

1,9% 2,2% 

Omdat die immitansieresultate in die gevalle normaal was, 
word die afleiding  gemaak dat die afnames  in gehoor te 
wyte is aan sensories neurale aantasting (FitzZaland en 
Zink, 1984). 

Die resultate by kinders in 'n hoer en in 'n lae sosio-ekono-
miese omgewing verskil nie betekenisvol van mekaar op die 
95% vlak van betekenis nie (p = 1,92% _+_ 2,16% en ρ = 2,44 
jL 1,93%). Verder vergelyk dit goed met die voorkoms in 

ander kinderpopulasies (2l  k%)  en is ook laer as die voor-
komssyfer  in 'n lae sosio-ekonomiese populasie — "Inner 
City" kinders, nl. 19% (Fay 1972; Doster, 1972, aangehaal 
deur Northern en Downs, 1984). 

In tabel 3 word die aantal ore in beide die hoer en die lae 
sosio-ekonomiese omgewing ten opsigte van die afwykende 
immitansiesiftingsresultate  aangedui. 

Uit tabel 3 blyk dit dat 11,9% van die ore 'n middeloortoe-
stand vertoon wat nie hul suiwertoongehoorsensitiwiteit 
bei'nvloed nie. Dit is verder opvallend dat daar meer afwyk-
ende resultate in die lae sosio-ekonomiese omgewing as in 
die hoer sosio-ekonomiese omgewing voorkom — 13.8% 
teenoor 8,9%. Die verskil is egter nie betekenisvol op die 
95% vlak van betekenis nie (p= 13.82% _±_ 4,31% en 
ρ = 8.97% jL 4,49%). 

Wat verder in die resultate in tabel 3 opval, is dat die 
grootste aantal ore wat die sifting  gefaal  het, normale tipe 
A-timpanogramme, normale STD's, maar afwesige  akoestie-
se reflekse  vertoon. Uit die 402 ore is dit 7,5%. 

Die resultate is in ooreenstemming met die 30,4% ore met 
soortgelyke resultate in FitzZaland en Zink (1984) se data. 
Die verklaring hiervoor is nie duidelik nie, maar daar kan 
gespekuleer word dat die refleks  sensitief  is in die identi-
fikasie  van subkliniese toestande (FitzZaland en Zink, 1984) 
of  dat die refleksboog  nog nie ten voile ontwikkel is nie 
(Jerger, 1970). Veral in laasgenoemde geval word die effekti-
witeit van die insluiting van die akoestiese reflekse  in die 
siftingsbattery  bevraagteken. 

In die geval van tipe B- en C-timpanogramme, maar normale 
suiwertoonresultate, vertoon die kinders met ander woorde 
nie gehoorverlies nie, maar wel 'n middeloorpatologie (Jer-
ger en Hayes, 1980). Die relatief  hoe voorkoms van die tipe 
resultate is al by die ouderdomsgroep en jonger kinders op-
geteken (Jerger en Hayes, 1980) en word hoofsaaklik  aan 
buis van Eustachius disfunksie  of  otitis media toegeskryf 
(Jerger, 1970). 

Die resultate moet egter in samehang met tabel 4 gesien 
word. 

In tabel 4 word die aantal ore met spesifieke  timpanogram 
en akoestieserefleksresultate  vir beide die hoe en lae sosio-
ekonomiese omgewings uiteengesit. 

Die  Suid-Afrikaanse  Tydskrif  vir  Kommunikasieafwykings,  Vol.  34, 1987 

R
ep

ro
du

ce
d 

by
 S

ab
in

et
 G

at
ew

ay
 u

nd
er

 li
ce

nc
e 

gr
an

te
d 

by
 th

e 
P

ub
lis

he
r 

(d
at

ed
 2

01
2)



Santie Meyer, Marina Hurter en Felicity van Rensburg 

Tabel 3 Afwykende  immitansiesiftingsresultate  maar normale suiwertoonsiftingsresultate 

HOER SOSIO-EKONO- LAE SOSIO-EKONO- TOTAAL 
MIESE GROEP (N= 156) MIESE GROEP (N = 246) (N = 402) 

TIMPANOGRAM AKOESTIESE REFLEKS AANTAL ORE % AANTAL ORE % AANTAL ORE % 

A Afwesig 7 4,5 23 9,3 30 7,5 
Β Afwesig 4 2,6 9 3,7 13 3,2 
Ci Afwesig 2 1,3 0 0 2 0,5 
c 2 Teenwoordig 1 0,6 1 0,4 2 0,5 
c 2 Afwesig 0 0 1 0,4 1 0,24 

TOTAAL 14 8,9% 34 13,8% 48 11,9% 

A = Normale timpanogram met immitansiepiek by of  naby Ο daPa 
Β = Plat met geen duidelike piek 
Ci = Geringe negatiewe middeloordruk (-50 tot-200 daPa) 
C2 = Negatiewe middeloordruk (kleiner as -200 daPa) 

Tabel 4. Afwykende  immitansie- en suiwertoonsiftingsresultate 

HOER SOSIO-EKONOMIESE LAE SOSIO-EKONOMIESE TOTAAL 
OMGEWING (N = 156) OMGEWING (N = 246) (N = 402) 

TIMPANOGRAM AKOESTIESE REFLEKS AANTAL ORE % AANTAL ORE % % 

Β Afwesig 4 2,56 2 0,8 1,49 
As Afwesig 0 0 1 0,4 0,24 

TOTAAL 4 2,56 3 1,2 1,74 

As = 'n Timpanogram met verlaagde amplitude met 'n immitansiepiek by of  naby Ο daPa 
Β = Plat met geen duidelike piek 

Uit tabel 4 blyk dit dat 1,74% van die 402 ore wat getoets is, 
op beide die suiwertoon- en impedanssiftingstoetse  uitval. 
In die geval is die verskil tussen die hoer en laer sosio-
ekonomiese omgewings onbeduidend klein (p = 2,56% 
2,48% en ρ = 1,22% ± . 1,37%). 

Wat verder in die resultate van tabel 4 opval, is dat die 
grootste aantal ore (6 uit 7) tipe B-timpanogramme en afwe-
gige akoestiese reflekse  vertoon. Uit vorige navorsing kan 
daar voorspel word dat hierdie middelooreffusie  vertoon 
(Bluestone, Beery & Paradise, 1973; Orchik, Dunn & 
McNutt, 1978) en waarskynlik nie so vinnig sal normaliseer 
as die met tipe C-timpanogramme nie (Fiellau-Nikolajsen en 
Lous, 1979). Dit is ook moontlik dat hierdie kinders 'n ge-
mengde gehoorverlies kan he (FitzZaland en Zink, 1984). 

Wanneer die resultate van tabel 3 en 4 gesamentlik bestu-
deer word, blyk dit dat daar uit die totale populasie 13,6% 
(tabel 3 = 11,9% en tabel 4 = 1,74%) moontlike gevalle van 
middeloorpatologie teenwoordig is (Jerger, 1970). 

Aangesien die bevindings nie gekontroleer is met 'n otosko-
piese ondersoek deur 'n Oor-, Neus- en Keelarts nie, en daar 
ook nie 'n opvolgsiftingstoets  uitgevoer is om vals positiewe 
resultate te verminder nie (Fiellau-Nikolajsen en Lous, 
1979), is hierdie syfer  waarskynlik effens  kleiner. 

Wanneer hierdie resultate egter vergelyk word met ander 
hoerisikokinderpopulasies, blyk dit egter dat daar nie 'n 
kommerwekkende hoe voorkoms van oor- of  gehoorproble-
me is nie. Die % middeloorpatologie (of  % prevalensiesy-
fers)  wat in vergelykbare studies berig word, is in heelwat 
gevalle meer as in hierdie studie, byvoorbeeld: 
ouer Kleurlingkinders : 22,5% (Pretorius, 1984) 

Meksikaanse kinders : 32% (Berruecos, 1981) 
en kinders in Kuwait : 31% (Al-Fadala en Holmquist, 

1984) 

Wanneer dit egter vergelyk word met Amerikaanse 4- tot 
6-jariges se voorkoms van slegs 3,5% middeloorprobleme, is 
dit hoog, en blyk dit duidelik dat meer aandag aan gehoor-
konservering by hierdie groep kinders gegee moet word. 

GEVOLGTREKKING 

Uit die resultate van hierdie studie blyk dit dus dat daar 'n 
relatiewe hoe voorkoms (15,7%) van middeloorprobleme en 
moontlike sensories neurale gehoorverliese aanwesig is. 
Alhoewel al die kinders wat op die gehoorsiftingstoetse  uit-
geval het, slegs in 'n geringe mate gehoorgestrem is, is daar 
al meer bewyse dat juis die kinders, spraak-, taal-, kognitie-
we en skolastiese probleme ondervind (Bess, 1985). By die 
groep word die kind met middeloorpatologie met en sonder 
gehoorverlies, die kind met 'n unilaterale sensories neurale 
verlies, sowel as die kind met geringe bilaterale sensories 
neurale verliese (Bess, 1985) ingesluit. 

Om dus te voorkom dat die sowat 16% kinders nie hul voile 
potensiaal kan bereik nie, is oudiologiese dienste in die ge-
bied noodsaaklik. / 

Soos bewys deur verskeie ander studies oor gehoorsiftings-
prosedures by kinders (onder andere Orchik en Herdman, 
1974) blyk dit ook uit hierdie studie'dat 'n kombinasie van 
suiwertoon- en immitansiesiftingstoetse  meer sensitief  is vir 
die identifisering  van oor- en gehoorprobleme as die toepas-
sing van slegs suiwertoonsiftingstoetse. 

The  South  African  Journal  of  Communication  Disorders,  Vol.  34, 1987 

R
ep

ro
du

ce
d 

by
 S

ab
in

et
 G

at
ew

ay
 u

nd
er

 li
ce

nc
e 

gr
an

te
d 

by
 th

e 
P

ub
lis

he
r 

(d
at

ed
 2

01
2)



Gehoorsiftingsresultate  van η groep Kleurlingleerlinge 47 

Opsommend het hierdie studie 'n bydrae gelewer om hoeri-
sikogemeenskappe vir oor- en gehoorprobleme in Suid-
Afrika  te help identifiseer.  'n Verdere verantwoordelikheid 
rus op alle belanghebbendes om die inligting verder uit te 
brei en na aanleiding van die bevindings praktiese en koste-
effektiewe  oplossings vir die probleme te formuleer 
(Wilson, 1985). 

ERKENNING 
Hierdie studie vorm deel van die "Eersterus Projek" van die 
Departement Spraakheelkunde en Oudiologie wat deur die 
Universiteit van Pretoria befonds  word. 

VERWYSINGS 

Al-Fadala, S., en Holmquist, J. Otoscopy and Tympanometry in 
Screening for  Middle Ear Disorders in Children. Scandina-
vian  Audiology,  13, 297-299, 1984. 

Berruecos, P. Identification  of  Hearing Problems in Children using 
Impedance Measurements. In R. Penha, en P. de N. Pizarro, 
(Reds.)  Acoustic  Impedance  Measurements.  Lissabon: Univer-
sidade Nova de Lisboa, 1981. 

Bess, F.H. The Minimally Hearing Impaired Child. Ear  and  Hearing, 
6,43-47, 1985. 

Bess, F.H., en McConnell, F.E. Audiology,  Education  and  the  Hearing 
Impaired  Child.  Londen: The C.V. Mosby Company, 1981. 

Bluestone, C.D., Beery, Q.C., en Paradise, J.L. Audiometry and 
Tympanometry in Relation to Middle Ear Effusions  in Child-
ren. Laryngoscope,  83, 594-604, 1973. 

Fay, T.H. Audiologic and Otologic Screening of  Disadvantaged 
Children. In A. Glorig en K. Gerwin (Reds,)  Otitis  Media. 
Springfield,  Illinois: Charles C. Thomas, 1972. 

Fiellau-Nikolajsen, M., en Lous J. Prospective Tympanometry in 3 
Year Old Children. Archives  of  Otolaryngology,  105, 461-466, 
1979. 

FitzZaland, R.E., en Zink, G.D. A Comparative Study of  Hearing 
Screening Procedures. Ear  and  Hearing,  5, (4), 205-210, 1984. 

Jerger, J. Clinical Experience with Impedance Audiometry. Ar-
chives  of  Otolaryngology,  92, 311-324, 1970. 

Jerger, J., en Hayes, D. Diagnostic Applications of  Impedance 
Audiometry: Middle Ear Disorder; Sensori-Neural Disorder. 
In J. Jerger en J. Northern (Reds.) Clinical  Impedance  Audio-
metry  (2nd  ed.).  Acton, M.A.: American Electromedics, 1980. 

Klein, J.O. Epidemiology of  Otitis Media. In E.R. Harford,  F.H. 
Bess, C.D. Bluestone en J.O. Klein (Reds.).  Impedance  Screen-
ing  for  Middle  Ear  Disease  in  Children.  New York: Grune & 
Stratton, 1978. 

Lewis, N. Otitis Media and Linguistic Incompetence. Archives  of 
Otolaryngology,  102, 387-390, 1976. 

Northern, J.L., en Downs, M.P. Hearing  in  Children.  Baltimore, 
Maryland: The Williams & Wilkins Company, 1984. 

Orchik, D.J., Dunn J.W., en McNutt, L. Tympanometry as a Pre-
dictor of  Middle Ear Effusion.  Archives  of  Otolaryngology, 
104, 4-6, 1987. 

Orchik, D.J., en Herdman, S. Impedance Audiometry as a Screen-
ing Device With School Age Children. The  Journal  of  Auditory 
Research,  14, 283-286, 1974. 

Pretorius, A. Aard  en  Voorkoms  van  Gehoorpatologiee  in  'n  Laerskool 
vir  Normaalhorende  Kleurlingkinders.  Ongepubliseerde Β Log-
verhandeling. Universiteit van Pretoria, 1984. 

Ross, N., en Giolas, T. (Reds.)  Auditory  Management  of  Hearing-
Impaired  Children.  Baltimore: University Park Press, 1978. 

Ruben, R.J. Recurrent Middle Ear Effusion  Affects  Preschool Lan-
guage and Learning. Audiology  in  Practice,  1, (3), 5, 1985. 

Teele, D.W., Klein, J.O., en Rosner, B. Effects  of  Persistent Middle 
Ear Effusion  (PMEE) in Development of  Speech and Lan-
guage. Pediatric  Research,  15, 623, 1981. 

Van der Walt, M. Sekere  Ouditiewe  Spraakpersepsie-vermoens  by Kin-
ders,  Tydens  'n  Episode  van  Otitis  Media  Teenoor  'n  Tydperk 
Vry  van  die  Siektetoestand.  Ongepubliseerde Μ Log-verhan-
deling, Universiteit van Pretoria, 1983. 

Wilson, J. Deafness  in Developing Countries. Archives  of  Otolaryn-
gology,  111, 2-9, 1985. 

Die  Suid-Afrikaanse  Tydskrif  vir  Kommunikasieafwykings,  Vol.  34, 1987 

R
ep

ro
du

ce
d 

by
 S

ab
in

et
 G

at
ew

ay
 u

nd
er

 li
ce

nc
e 

gr
an

te
d 

by
 th

e 
P

ub
lis

he
r 

(d
at

ed
 2

01
2)



TELOS® 
A remote-control unit 
for in-the-ear hearing-aids 
An ultrasound transmitter  for  remote control of 
in-the-ear aids, now available for  the Siemens 
"Cosmea" miniature aid. 
Weighing merely 40 grams, in credit card for-
mat, it allows the user to adjust volume and tone 
inconspicuously. 
Telos from  Siemens is the first  of its kind 
world-wide. 

For  more  information  write  to:  RO. BOX  1032 Parklands  2121 

NAME: 

ADDRESS: 

CODE: TELEPHONE: S TIMES 2/R 

Telephone Springs (011) 56-2617 
Johannesburg (011)29-6359 Boksburg (011)52-3929 
Rosebank (011)880-3310 Roodepoort (011)679-1155 
Bloemfontein  (051)8-1111 Pretoria  (012)26-7874 

TELOS 
professional  service - backed by Siemens technolog^^j 

Creative Consultants 2 

R
ep

ro
du

ce
d 

by
 S

ab
in

et
 G

at
ew

ay
 u

nd
er

 li
ce

nc
e 

gr
an

te
d 

by
 th

e 
P

ub
lis

he
r 

(d
at

ed
 2

01
2)